Engjaleikarnir slógu í gegn
Fjölgreindir og frábær stemning þvert á árganga
Árlegir Engjaleikar Engjaskóla fóru fram með miklum glæsibrag á þriðjudeginum 29. september.
Leikarnir, sem eru meðal skemmtilegustu hefða skólans, fóru fram innandyra að þessu sinni og ríkti mikil spenna og tilhlökkun meðal nemenda og starfsfólks.
Óhætt er að segja að samvinna og fjölbreyttir styrkleikar hafi verið í fyrirrúmi, en leikarnir eru byggðir upp með fjölgreindakenningu sálfræðingsins Howards Gardner að leiðarljósi.
Leitast var við að virkja ólíka styrkleika nemenda á ólíkum stöðvum — svo sem málgreind, rök- og stærðfræðigreind, hreyfigreind, tónlistargreind og samskiptagreind — svo að allir fengju tækifæri til að blómstra á sínu sviði.
Leitast var við að virkja ólíka styrkleika nemenda á ólíkum stöðvum — svo sem málgreind, rök- og stærðfræðigreind, hreyfigreind, tónlistargreind og samskiptagreind — svo að allir fengju tækifæri til að blómstra á sínu sviði.
Nemendum var skipt í hópa þvert á árganga þar sem eldri og yngri nemendur unnu saman að þrautunum.
Nemendur í 7. bekk tóku að sér hlutverk hópastjóra og leiddu sína hópa í gegnum daginn af mikilli prýði. Sýndu þeir mikið sjálfstæði, ábyrgð og leiðtogahæfni við að leiðbeina yngri félögum sínum, halda uppi góðum félagsanda og tryggja að allir fengju að njóta sín.
Nemendur í 7. bekk tóku að sér hlutverk hópastjóra og leiddu sína hópa í gegnum daginn af mikilli prýði. Sýndu þeir mikið sjálfstæði, ábyrgð og leiðtogahæfni við að leiðbeina yngri félögum sínum, halda uppi góðum félagsanda og tryggja að allir fengju að njóta sín.
Engjaleikarnir eru frábært tækifæri til að efla skólasamfélagið okkar. Með því að flétta fjölgreindir Howards Gardners inn í skipulagið fá allir nemendur að sýna hvað í þeim býr.
Það er yndislegt að sjá nemendur í 7. bekk taka að sér ábyrgð sem leiðtogar og fylgjast með hvernig nemendur á ólíkum aldri tengjast og vinna saman.
Það er yndislegt að sjá nemendur í 7. bekk taka að sér ábyrgð sem leiðtogar og fylgjast með hvernig nemendur á ólíkum aldri tengjast og vinna saman.
